Kakus Waili
        Saulahin
        Probably 1972.



Do resex, pee tu
Da fila lalen,
Tawar laleno
Telo-telo, do

Kerise oli o
Le sakix
Penan.  da basgedak e
La qei booto,

"Boot fafan polo o
Do geran rua,
Kimi jaga e
Tu ya pempuna e!

Do ya pempuna e
Lal rua moo,
Tu ya pempuna e
Do lale emsian e.

Pempuna beta o
Bu lale emsian,
Pempuna sala e
Bu lale emsian e!"

Do da soso kerisero
Pao masin fohin,
Do rede skuti e
Lalen telo e.

Da fila lalen o
Le telo-telo,
Gogo xraket o
Lalen telo, do

Mataro te kita e
Le tehux moo,
Mata du te jaga e
Tehux mohe, tu

Kerise kaa e
Le turux-suka
Roit-haato
Fil wagar laleno.

La fila mata e
Le fila mano,
Binasa booto
Fafan polo e.

Boot  fafan polo o
Le geran rua,
Wagar fafan polo e
Geran rua, do

Le olax turen o
Le gamna beraq,
Olax turen o
Gamna beraq e!

Le riq basea e
Fen, "Wali sira,
Wagar fafan polo e
Geran rua, do

Le kim badefo o
Le defo naa,
Tu ya naq tohon o
Barema hede e.

Kim badefo e
Le defo naa,
Tu ya naq tohon e
Balawa hede e.

(Transcribed 3/1/88 by Joe Devin from Titahena tape).