The following recorded at Joe'S house at Waenono, probably 1971.

Leoq Heret.

Nax ama da ba e
suba la gamaki
Paa da baliqa la gamaki e
Poo nake enhima Leoq Heret e

Da baweri e
tu jerbuqan dii,
Ta bataho tu jerbuqan dii,
Da baxweri tu jerbuqan dii.

Poo da baxnika e
Leoq Heret e
Fen, "Enhima sian basesian e,
Enhima doun basedoun do,

Tu ka moho e
la fisaka do,
Dosa teqix, sala teqik e
Sex ka moho fisax juna e?"

Fen "Enhima sian e,
basesian e,
Ya tewa dosa haax sa mo e,
Ya tewa sala haax sa mo e."

Fen "Enhima sian e,
basesian e,
Enhima doun base doun, do
Ku eg wapotox la ya ino e."

Du wanik e
la wa potote,
Paa du baeguh la gamaki e,
Du baxdueh la gamaki e.

Poo nake enhima e,
Da fas hitak e,
Da fas hitax nake exroqan e,
Da fas hitax nake exroqan e.

Paa da bafaeh e
Fidi exroqan dii,
Pi da bapsuba fidi exroqan dii,
Paa da baino nax wa potot e.

Da baoso e
La gamaki, do
Da egu canqker polo-geran-lima e,
Paa da baxduer di e.

Fen, "Enhima sian e,
Basesian, do
Ku egu caqker anoqnya na,
Ku ego canqker anoq na na,
La ku oli e
Gamsaka,
gamsax alaq ha na fafan e,
Gamsax juna ha na fafan e,"

Fen, "Enhima sian e,
La basesian, do
Ya tewa oli beta mo e
Tu yax tewa tohon mo e."

Poo Porwisi e
Wae Pusen e
Da baprepa la nax anat e
Nax anax la Bokhena e,

"Bokhena sian e,
La basesian e,
Bukhena doun, la basedoun e,
Ku hai emnakek e.

Ku hai emnakek e
Leoq Heret e
Ku hai pahux Leoq Heret e
Gamsax alaq ha na fafan e.

Ku hai eptanak e
Leoq Heret e,
Gamsax juna ha na fafan e,
Bukhena sian basesian e.

La ku egun e
La ya naq picur boti e
Ku egu ya naq pigala boti di
La ku pese trapek e

Ku gau trapex di Leoq herex fahan,
Ku pese trapex di Leoq herex fahan
Di, ga , Bokhena sian basesian e."

Da ba-egun e
picurboti dii,
Da ba-egu pigal boti di
Pa d pese exdox di haik e.

Pa d ego sepon e
Nake caqkero,
Da gao sepo nake caqkero
Caqkero hansi-hansiak e.

Fen, "Leoq Heret e,
Sian doun, do
Ku ramboli emrike-emrike e,
Leoq herex sian doun e."

Do da ramboli e
Emrike-emrike e,
Da ramboli emrike-emrike e,
Paa nake enhima keha tuhahe.

Paa ged mohede, poo
Du suba saka hai
Du bafosal fi sax alaq fafan e,
Du podal fisax alaq fafan e.

Fen, "Leoq Heret e,
Sian doun, do
Ku katax ramam gamdi beka e,
Ku fuka ramam beka e!"

Leoq Heret e,
da katax raman e
Da katax raman, da fuka raman, poo
Da suba fi sax juna fafan haik e.

Da batoke e
Nax tampa kosoq e,
Da batoke nete kosoq e,
Da tokeh di la Leoq Heret e,

Fen, "Leoq Heret e,
Sian doun, do
Ku exnogi neten eq gi dii,
Ku eplate neten eq di dii."

Poo Leoq Heret e
Di da exnogi e,
Leoq herex di da sasak o,
Da basasak rabo-rabo e.

Poo da baprepa e
La Leoq herex fene,
"Leoq herex sian doun, do
Ku ramboli beka e.

Ku ramboli e,
La yax oli e,
ku kapux ramam la yax oli e,
Leoq herex sian doun e."

Leoq Heret e
Da ramboli e,
Poo riq oli gamdi haik e,
Riq bableun gamdi haik e.

Da katax raman e
Gamdi haik, pa
Da jaga hama la Bokhena e,
Da touk hama la Bokhena e.

Di poo exnewak e
Bukhena mohe e,
Exnewax tehuk e
Bukhena mohe e,
Leoq herex sian doun e.

Poo da baxnogi e
Gamdi haik e,
Da baplata gamdi haik e,
Da baxnogi rabo-rabo e.
Tu Bukhena e
Da baoli,
Da oli suba paa nax ama e
Da bleun suba paa nax ama e.

Fen, "Bukhena e,
La sian doun, do
La ka oli haix na, do
San toke snapax saka na e?

San jaga snapak e
Ior saka na,
La d batoker la Leoq Heret e?
Da reqar di la Leoq Heret e?

Saki heik e
Saki rabo, la
Ku karajaa e
snapak e,
Snapax ior saka dii,

Tu Leoq herex do
Do riq tewa e,
Riq tewa ioro di mo e,
Fen karajaano gamdo e."

Do da saki e,
Saki lepak e,
Pa d basuba gamdi saka, do
Leoq herex da basasa-sasa e.

Leoq Heret e
Da bakita e,
Da bakita la Bukhena e,
Do riqe enhanux mo tu an fin meget e.

Da baprepa la ana fina di
Fen, "An fin tenikor fidii e,
An fin saparo dii, do
Do du heka e
brema-breman e,

Pi du sehe breme-breman, tu
Yako la a bakarajaa e.

Poo Bokhena e
Da basade,
Tu Bukhena da basade fene,
Leoq herex sian doun e,

Kae epsuhek e
Gamdi yako, do
Poo li aman nax picurboti e,
Bleux aman nax picurboti e."

Fene, "Enhima sian e,
La basesian e,
Yako enhanux tu an fin dikat e,
Yako enhanux di tu an fin meget e.
Yako enhanux tu
Boki Hen Kanyuru-olon,
Boki Hen Kanyuru-olon, do
Da baheka brema-breman peni e."

Da egu caqke e
Sa di haax, pa
Da fage pamax gamdi haik, do
Gida snaha pa d bakiko e.

Da egu sa e,
Pa d fage pamax, do
Starat polo-geran-rua e,
Starater saqan polo-geran-rua.

Fene, "Enhima e,
Sian doun, do
Do do tenix gamdi hede e?
Do ku puna tenix hede e?"

Da egu sa e,
Pa d fage fakak e,
Do hum boti teh hum botit e,
Hum bitoq tehu hum bitoq e.

Fen, "Huma na haix,
Do tenix hede e?
Huma na haix, do sapan hede e?
Enhima sian basesian e?"

Da egu sa e,
Pa d fagex faka, do
Do mansiar beblo-beblanat e,
Du bapuna karom mua e,

Paa du defuk e
Gamdi humar di
du eptea eptahax humar dii,
***** tiak e

Fene, "Enhima sian e,
La basesian, do
Paa gebar di har na ta haix, do
Tenix gamdi o hede e?

Da egu sa e,
Pa d fage fakax, do
Fafu epkiux lepax-logok e,
Tepotor bamala-luluq e.

"Enhima sian e,
La basesian, do
Sira na ta, poo sepor haix, do
Ku puna tenix hede e?"

Da skoi sa e,
pa d fage fakax, do
Hawar lale blesaro
Blesaro bamruru-emruruk e.
Fene, "Enhima e,
Sian doun, dp
Ioro na sepo haix na e,
Na pi mohede e?"

Di poo gebar di
Du fetux rame e,
Paa pileik e,
Ram pilehet e,
rame exnewax, rame exmeqen e.

Paa masi bagel e,
Bu da bagel e,
Wae bagel, bu da bagel e,
Leoq herex sian doun e,

Poo tuaq la kolatu e
da bacaak e,
Raja tuaq la kolatu e
Da bacaak haik e.

Da baprepa e
La nax finhaar nee,
Boki Hen Kanyuru-olon di paa pito e,
Da baprepa di la sira pito e,

Fen, "Ma iko la Ma taga rame e,
Ben sane panax rame haan aqa e,
Rame sapa exmeqe-exmeqen e."

Da baprepan e
La atar la pol-paa
Fen, "Kim te leba gamdi yako e,
La a iko la a bataga rame e."

Do atar la pol-paa e
Du eguh di tu dada,
Dada, du ba eguh e,
Egu riqe dii tu dada e,

Paa du lebah e
Sepe braqi-braqin,
Du caax rame e
ri gosa tirin e,

Du caax ramero di gosa tirin e,
Du tatax haik e
Riqe dii, poo e
Paa du iko, paa du riqa rame e,
Du iko paa du toux rame e.

Da panax baan e
La atar la pol-paa,
Da plumax sepor miti-miti e,
da katar sepor miti-miti e.

Do du saki e
Paa du lebah e,
Do du saki, paa du eguh e,
Du eguh gamdi o huma e.
Sex  du baptilah e
Ma di gidan e,
Sex du baladix ma di gidan e,
Leoq herex sian doun e.

Poo Leoq Heret e,
Sian doun, do
Da sadia meja haik e,
Sadia meja nega-nega e.

P ixnaa minat e
Rupa-rupa e,
Ixnaa goreq rupa-rupa e,
Du tahu sepuh boti-boti e.

Paa ram pileit e,
Ram pilehet e,
Rame exnewax, rame exmeqen e,
Du puna sepuh boti-boti e.

Riq suba di e
Paa da exnusi e,
Da suba dii, paa da exnusi e,
Da baxnusi rabo e
rabo e.

Poo nax anat e
Leoq Heret e,
Da baprepa gamdi haik e
Fen, "Olo tuaq la kolatu e,

Raja tuaq e
la kolatu e,
Ku keha la ku kaa ixnaat e,
Keha la ku in wa potot e.

Di tu riqe e
Tu nax finhaar pito,
Tu nax atar la pol-paa e
Du bakeha gamdi haik e,

Paa du hobon e
Gamdi fahano,
Du hobo fahano rabo-rabo e,
Hobo fahanoro heik-heik e.

Paa emsuek e
La du kaa, poo
Leoq herex da ba prepa e,
Leoq herex da bastori fene,

Fen, "Yako na, do@Berkahandat e,
Berkahandax sa moh-mohe e,
Bajaulax sa moh-mohe e,
A  bu moo, do

Da la polik e,
La polix eglula fat emhana e,
Lata bleux glula fat emhana e,
La d polo neteno
Eq nya na,

Da polo nururoq na na,"

Leoq herex sian doun, do

Lien banuh e
La mohede, poo
Eglulan eskofi di haik e,
Emhei skofi di haik e.

Tuaq la kolatu e
Da baprepa e
Fen, "Leoq Heret e
sian doun, do
Ku basabar gamdi peni e,

Ku tatahaq e
Gamdi peni la
A kaa ixnaato tor na sia e,
A in wa pototo na sia e."

Fen, "Eglulan e
La fat emhana, do
Kim tatahaq ba di bex peni e,
Brese-brese la badi bex peni e!"

Poo du ka ixnaat e
Rabo-rabo e
Du kaa ixnaat e
heik-heik e,
Sex du kaa sepo boti o boti e.

Du kaa sepo e
Hansi-hansiak e,
Paa du bakaa la gamdi fua e,
Du baopi la tabaku e.

Fen, "Berkahandat e
La polo-trua e,
Bajaulax polo-trua, do
La d polix glula fat emhana e.

"Kim lata ebrauk e
Egluala fat emhana
La d polo neten eqa na,
Da polo namaroq nya na!"

Lien banuh e
La mohede, poo
Eglulan lata ta di haik e,
Emheix lata ta di haik e.

Ged mohede, poo
Tuaq la kolatu
Tu nax rayator hansiak e
Du bapuna opot edhaman e,

Paa olon folono
Du barbobok e,
Olon folono barbobok e
Eta eglulan sehe tuhar haik e.

Du emlemo sepo e
Miti-miti e,
Du mata sepo hansi-hansiak e,
Leoq herex sian doun e.

Poo Leoq Heret e
Sian doun e
Da baprepa, da babina e
Fen, "Barkahandax polo-trua e,

Bajaulato
La polo-trua, do
Epsese glulan gamdi beka e,
Emheix eta elen beka e."

Poo emhix eta e
Elen lawe e,
Eglulan eta elen lawe e,
Emhein breseh lawe haik e.

Do Leoq Heret e
Na fenlale e,
Leoq herex na nagri, do
Rame keha, da batoho e.

Riq nax nagri dii,
Fil somon kaduk somon,
Do hum botit emsika-emsikan e,
Hum bitoq la hansi-hansiak e.

Tu riq nakex, do
Da baptea emkele-mkele,
Riq nax huma badefo emkele-mkele,
Nax huma epptea mkele-mkele e.

Poo nax feta e
Da eptea di haix,
Nax feta defo di haik e,
Nax feta eptea di haik e.

Do Leoq Heret e
Sian doun, do
Do riq kaweq tu Bukhena e,
Bukhena sian basesian e.

Leoq Heret e
Da bakaweq tu
La Porwisi Wae Pusen la nax ana,
Nax anax la Bukhena sian e.

Bukhena sian, do
Da oli tehux mohe,
Bukhena sian da bleun tehux mohe
Tu da kaweq di tu Leoq Heret e.

Paa nax rayato
Di fenlale di
Du batuux saix riqe e
Pa d bapuna la geb qaat e,

Da menjaji e
Raja e,
Da menjaji tuaq la kolatu,
La d bakawasax la nagri lalen e.

Pe tu da defo, tu sepu, eptea, tu sepuh.