"Kacil Hena" By Samade Hukunala Selwadu July 15, 1987 Kacilhena Defo-defo Eta seih e Sei lalena Da basgeda La qei nax inar pee Da basgedak o La qei nax ama e Pa la Tuaq o La Kolatu Pi nax ina Tuaq o Do Lakolatu o Pili pkeda La si holik, pili Pili lafat e Do la si holik e Pa a ****, do A ix maglili, pi A maghali o Le ma di ***** o Ma di lea ko Lodi koloroMa di learo Di xnohon elen e Exnohon elen o Le da ina pe Pili pkeda o Pi pili lafat e Pili pkeda Ha di sepo, pi Pili lafat o Le ha di sepo e Ha di sepo Riq basgerak e La nax ama e La tu nax ina e Ku ga faha e Do la si moo, pi Todo ya sino La yako moo e Yako nawek, do Ya iko baa Iko-iko, do Ga faha mohe,tu Ga fahan moo, do Egu baa e nax piso penan o Kabaraxlalet e Baralalex baa Susux baa e Pi wirix lale Le fi nax sake e Fi nax sake Soran de Tuqi sgera sulun, do Rin keha hane e Tu lalen na Manimpaq sepuh e Ixnaa pkedaro Pi ixnaa lafat e Ixnaa lafat, pa Le tahu sepu Pi da weri sepuh e La di nax waga, do Fila wagar, paa Rin bakeharo Sgeda rin nax o La tu nax ina, do Pali basato Riq keha aqa Bu la keha niwe mo Riq geba msian o Iko newet o Bu geba msian, tu Iko matat o Bu geba msian o ***** o Tu da keha o riq bakeha e La msika-msikan e Keha msikan e Di falawe, do Lae ramero Tu rupa-rupa e Rupa-rupa e La masi fala na Masi bage o Tu wae bage, tu Iko eta Le fulan telo O di hede o Tu reden telo bee Pa da soba Ma di learo Di xnohon elen o Di da bakadu bee Da bakadu Egon sia labon sia sala e Tu lea sebo, do Tu da kadu Baa dii, Bu da rapat e Le baa dihe, do Fadae o Rin basia la Nax bajaulato Fi Bupolo, do Holi taor naa Rine hai eta kadux naa Di lea xnohon elen o Xnohon elen, do Mata eleto Pi mata humaro Pi fido dika e Poso haji Le selen do Pi le posoq hewaro La snegen do e Polo hajiro Le snegen dihe, pi Poso hajiro La snege dae, do Le baa naa, do Waga sandar, pi La waga toho e Le baa naa beka pee Lebebae o Le tu nax waga o Basandar e Naa baa jambatan e Putriaflawa, do Do lea sebo di Putriaflawa e Le baa sabantar, tu Tu da toho e Di fadae, pi Da bakaduk o Bakadux dae, do Fosisogo Le dihidih, pi E le si subu o Ta dihidii, do Eta baa la Geba pun balas, pi La hai balas tu Ta a bakeweq, do Fuka suburo Di hum luba, pi Ko a gala kukat e Le omax mohe Pa labae o Le rama sega Tu ran dedo Bafuka subur, do Kino lupa pa Kasilhena Da barogo e Le di fasaka, tu Keha suba Di huma lalen e Tu da pesarfaha e Le tu du rogo e Rogo gamda Le huma lalen, pi Le du oso e Dae huma lalen o Huma lalen, do Riqe eswelak e Kacilhena o Le fil Bupolo e Iko goo ka- E hewa lokono Pi hewa lauto La fado hede, tu Fen suka d iko Sa tehux mohe Mel poso hajiro Do snegan nahe pee Ya te haji Snegen nahe, paa Ya te iko e La tehux moo e La lebae o La ino kofi Pi ino te o Le ha di sepo, do Rin na kaweq e Le ha di haix, paa Defo eta o Le fulan telo e Felelaole Potriaflawa o Lale enyolit o Pi poso nyolit o Pa da lalik e La hai aqa, tu Lale enyolit o Le haix aqa e Poli aqa e La oli taga o Tu nax ina e Le tu nax ama e Cilegeda Fen, "Kasilhena Fi Bupolo e Le badou-doun e! Ku la oli, do Le fill Wasaleno Pil nam iero La miti-miti, do" "Pee tu oli e Lea gamdo, pi Ya te iko e Lea gamdoo e?" Di da sgeda La nax finhaa fen, "Sohix peni la La yako peni e." Yako peni, la La a soso sepu, pi Iko boli o Le tu naq iero." Da soso heix, do Le da basgeda, "Fasa urato Le fi Bupolo, do." Hai lalek o Tola la lako modo oli ele o Naq elex mohe, do Pela moo e Do resex, pee tu Da iko e Le fi waslale, do Fi waslale Da suba huma o Da soso bohin o La miti-miti, do Tu da sgeda La nax finhaa fen, "Konsi suburo La tu ma iko pee Konsi subu Le la m baiko, pi Konsi sufen e Do la m baoli e." Pe da bae o Le tu da oli Fi ax kamar, tu Le huma iko, pee Huma iko Waslaler iko La beton polo e Le giwan tewar, do Do ran tewa Nax finhaa o bafaqo e Do fiax elet e "Kacilhena, Ma iko hai, pi Kita ptea aki Le ya naq elet e?" Fen, "Babeu kita Le haix naa Lae rapat e Tu ya naq fuka pee o." Fen, "Ma rapat Naq ina hai pee Le lae rapat o Naq ama haik o." Pa labae o Le tu da faqo Bafa sakik e Kiq lea tohon e Pe la sadi o La tehux moo, tu Du bahai o Tu mene-mene o do Pelewerne Fipa mori Du bahai o Le fipa mori o Latarapa La parapa Di nax ama o Le tu nax ina o Da basawa Lae rame o La rupa-rupa o Tu sepu-sepuh e Sepu-sepo Nax ina pele Tu nax ama pele o La tu gamdii, do Manimpaq tu ieor naa Le tu nax elex Pi manyimpaq o La fidi kampoq e Huma lalen Do kihi-kihik o Fi ki di pagero Manyimpaq seporo Lipa sepo Har gamdii, pee Kacilhena o Baoli aqa tu Tu geb dika Mo, saa moo, tu Kacilhena o Pa oli aqa, tu Oli tu nax Tu nax rokan o Pi nax ramero La lea aqa ta! Pa da oli e Oli aqa, do Du manyimpaq e Di sepu-sepu Tu du toho Tu o dae, paa Du basale o La sale sira Pa du rogo La gana nipi E du oso e ***** Do da breo Le tu du saler, paa Lae rame o La beton pito pee Lae rame Di tu lea o Lae lea o Do lear pito pee Tu da toho, paa La puna beta Beton pito e Tu lear pito pee Lear pito e La asu, fafu, Fidi tu hansia o La kaa sepo pee Kaa sepo Miti-miti ga Du bafale o La sakix ***** Saki fene Le puna raja, paa Da baprenta o Nagrii taun e Sepuh (Transcribed from track 4 of Mukarehet tape 1 by Joe Devin). Samade Hukunala Mukarehet's house Selwadu July 18, 1987 9:10 PM Dohi-dohi eAn Kasiaq, defo-defo eEta seih eA badohi oLe da baseaLe nax ina oLe tu nax ama e Tu nax amaNax ina moheIna ama eDo ama mohe pee Ku matketaLe da barojaqPi masbeta oLe riq baiko e Iko-iko eIxnaan usanoIxnaan maminoLe bu da reporo Da barepoNax kair nee saaDa barepoNax kair nee sa Du bafleheoIko flehet o Iko flehe oLea gamaqa, doRiqe fe riq o (riqe fene riq)La hai toqi pee Hai toqi laRiq flehe xbahiPi hai la d ba-o-Riq hame xbahik o Riq hame xbahik eHame xbahik eResex, pee tu du iko eLe fadi mua, paaFadi o maLe mua xmataPa du taha biaroTu rrabo-rabo peeRabo-rabo o. Le tu gamdii, doFlehe sepuh ele miti-miti piMiti-miti eDu flehe sepu, tuDu bagaru efidi tu tumaq e Tumaq sepoLe tu gamdiiLaix riqe eLaix riqe oTu riqe moo, pee. Riqe moo eFen, "Kair nee e,Kim laix yako eLa di tu proi pee! Di to proi laLe me a mata peeMa, laix yako eLe tu ro-roin e!" Tu nax kair fene,"Kam laix kae oDi tu bia oNa proi moo, pee." Proi moo, tuGebaro babraun, doPi du bapsian e,Laix beta la kae mo.An Kasiaq doLe banu lalen e Fen, "Yako fleheLa mati-mati oLaix yako eTu proi moo pee. Proi moo, doYa kaa teniTu kai sayaq dooLe har si moo, pi Har si moo e,Le tu nax kairoMustere o riq fidi moo tu Fidi moo tuLa du ix tatak eRiq manyimpaq eLe baa pahe, pi Da manyimpaqLe pahe naa, tuTu da hobo eLe baa pahe, pi Pahe asin etaLe emnakun kasen, piE lae emnakun oLe di bataun e. Di bataun e,Le da basgeda fen,Do iko newe, buRiqe iko beka peeDa iko xmatak eBu iko beka, tuGeba saa da oDo laix riqe tu Paka riqeTu hamananoHar si tehux oBu tehux mohe pee! Tehux mohe, paaRiqe iko beka, doTa fi kaku eBakeha kakoro. Da fi walu oBatoho walo, etaSuba ma diE masi somon o. Masi soomonLe somo dikax, piMa di masi oLe somon meget e (This from the end of Mukarehet tape two, being the last item recorded on that tape. Samade is difficult to follow, so this transcription is not complete. Transcribed by Joe Devin, 11/23/87).Dohi-dohi e An-KasiaqDefo-defo e eta seih eA badohi o le da baseaLe nax ina oLe tu nax ama eTu nax ama,Nax ina mohePi nax ama eDo ama mohe peKu matketaLe da barojaqPi ma sbeta oLe riq baiko eIko-iko eixnaan usanoIxnaan maminoLe bu da reporoDa barepo nax kair nee saDu baflehe oIko flehet oIko flehe oLea gamaqa, doRiqe fe(ne) riq oLa hai toqi peHai toqi laRiq flehe xbahiPi hai la d ba-o-Riq hame x bahik oRiq hame xbahik eHame xbahik eResex, pe tu du iko eLe fa di mua, paFa di humaLe mua xmataPa du taha biaroTu rabo-rabo peRabo-rabo oLe tu gamdi, doFlehe sepuh eLe miti-miti piMiti-miti eDu flehe sepu, tu Du bagaru efi di tu tumaq eTumaq sepoLe tu gamdiLaix riqe oLaix riqe o tu riqe mo peRiqe mo eFen, "Kair nee e,Kim laix yako eLa di tu proi peDi tu proi laLe me a mata peMa laix yako eLe tu ro-roin e!"Tu nax kair fene,"Kam laix kae oDi tu bia oNa proi mo pe!Proi mo, tugebaro babraun tuGebaro babraun doPi du bapsian e.Laix beta la kae mo!"An-Kasiaq, doLe banu lalen e (rasa manyasal. Rasa kasiaq)Fen, "Yako fleheLa mati-mati oLaix yako eTu proi mo, peProi mo, doYa kaa tenixTu kai sayaq doLe har si mo, pi."Har si mo eLe tu nax kairoMustere oRiq fidi mo, tuFidi mo, tu le du ix tatak e.Riq manyimpaq eLe baa pahe, piDa manyimpaqLe pahe na, tuTu da hobo eLe baa pahe, piPahe asin, etaLe emnakun kasen, piE lae emnakun oLe di bataun eDi bataun eLe da basgeda fen,Do iko newe, buRiqe iko beka peDa iko xmatak eBu iko beka, tuGeba sa da oDo laix riqe tuPaka riqeTu hamananoHar si tehux oBu tehux mohe pe.Tehux mohe, paRiq iko beka, doTa fi kaku eBakeha kakoro.Da fi walo oBatoho walo, etaSuba ma diE masi somon o.Masi somonLe somo dikax, piMa di masi oLe somon meget e.