"Raja Muda Tu Nax Anat"
        by Set Watemun
        April, 1984.

A dohix Raja Muda tu nax anax, Niwe-winsi.

Nax ina da
exneix fene, "Niwe-winsi, defo pamori, do iqax tu jaga piabix nam ama gamdi
yako dihe, tu a mata di ta."  Nax beton telo pe, nax ina mata.

Resex poo sirua
nax ama defo di, d jaga pa d tahix wae pa nax ama foi, exmasa pa nax ama kaa,
lehe nax pakeaqoro--gamdi nax ina dihe!

Poo nax ama na da hama fina fehut.  Da
hama fina fehux na, da hama Bokhena.  Riq oli di, riq aqax nax anax Niwe-winsi
na gosa tirin.  Riqe exnika nax kaca fi di kofor bohin di fene, "ba na dunya
lalen taun na, san gosa libe?"

Nax kaca sade fen, "kae pa ku gosa, nam gebhaa
pa da gosa, bu Niwe-winsi gosa labe."

Poo riqe fen, "Niwe-winsi, iko la ku
asux wae sa la a ino."  Pa riq hai qei nax anax da wae, riqe exmatah.

Mata
sepo fi di, da oli.  Nax ama iko sax kantor, pa da oli.  "Raja Muda nax anax
ha do?"  Hamah.

Hama sepu, "Bokhena! Niwe-winsi ha do?"  Exnewax moo.

Da hama.
Hama da wae, nax anax baemnei.  Da egux fidi, pa da exneweh.

Exneweh sepu fi
di, poo da eta nax i sia dihe.  Exmasa pa nax ama kaa.  Kaa sepo fi di, lehe
nax ioro, estarika.

Poo Niwe-winsi na geb di ta lai moo, tu..  Niwe winsi moo,
tu Bokhena.  Niwe-winsi na newe haik.

Exnika nax kaca pil-pilik.  Gene, "ba na
dunya lalen taun na, san gosa labe?"

Fene, "kae pa ku gosa, nam gebhaa pa da
gosa, bu Niwe-winsi gosa labe."

Da exmatah pil-pilik.  Se da exmatah lalen
telo.

Da emtaix mohe.  Riq kodox todo fi di, pa qei nake finhaa.  Da la d
exmata Bokhena, mele da exmata nax anax pa newe tehux mohe, tu sepu nax ubax
haik.

Da exmatah sepo fi di, pa da espelex haix nax finhaa.  Da exmata nax
finhaa di, poo sirua nax anax sika pamori, tu sepuh.