Arbi Patinasrane Selwadu July 13, 1987 Betu dii kam dohi warian sax Badarema. Kami tu Tinus tu Meri Walaqa tu nax gebhaa. Kam iko fixnaa eta suba saka, do beto tifun haix. Pee tu kam oto warian ganaa, Wem sir oto filau Wai-nitu-kufun, pee tu du preqe nitoro lien: "Eheaa! Eheaa! Eheaa! Eheaa!" Pee tu Wem puna unex qei eblafen, pee tu blaf boti beta. Da beta sax duran luken. Pee tu Wem sir oli fapao Serwadu, pee tu du huke qei kami, pa kam kaah. Pee tu hari Miqgu ganaa, pee tu kam oli. Oli suba lau, pee tu kam kaa wariano dii, paa kam kaa sepor, pee tu Sepo. (Transcribed from track 2 of Selwadu boys tape by Joe Devin, 11/13/87). Arbi patinasrane Selwadu July 12, 1987 Betu dii kam hefax jariq. Karo Peli. Kam hefax jariq ganaa, kam bage la masin e. Kami tu Miqgus. Miqgus bage, karo Peli bage mohe,tu kami emtako. Kami emtako jariq pi, kami emtako ii lawe di--Tete. Miqgus naa bage, paa--bage toron-toron haix! Karo Peli toloh moo, riqe fen, "Mo! A bage!" Pee tu karu Peli jaga enhewex bana, riqe enhewex mohe. Riq ine ganaa, karu wana eta lea. Rapax lea ganaa pee, Peli sai. Peli sai falawe, pee tu peli bina fene, "Arbi, Arbi e! Bole! Bole! Nax ixnaax bole! Jadi di ta!" Pee tu sup-supan ganaa, kam laqax-laqax jariq ganaa, pee tu kam dufa ikan. Dufa ikan ganaa, pee tu laqax-laqax eta lawe, e jariq eptihin, pa tagae. Da tagae ox fogor, pee tu Peli naa molo. Molo pao, d posi saa ganaa, riqe fene, "A mata aqa, tu aheq delax aqa!" *****. Dii, da molo pilik. Molo-molo gamaqa, "Keha gamsaka!" Riqe fen, "Mo, delax aheq na. Kaca na haa tirin!" Sepo. Arbi Patinasrane Selwadu July 12, 1987 Ya dohi kami tu Miqgus jaga keha asam Jawa pao dii. Kam jaga keha, pa kam kaa asam Jawa waben. Pao dii, do asam Jawa tu asam JAwa! Eta Om Endi kaa, do da kaa emtai mo! Waben tirin! Waro! Bu sepo sakix haix, tu anato keha skihik. Bae da milo. Kam jaga keha, pa kam jaga kaa pao wae. Pee tu keha-keha ganaa, paa kam toho pee, anato kita wela! Wela sa saka e asam Jawa luken! Pee tu du kita wela dii, pee tu du heka. Anato heka pee, du stubix pee, sepuh. (First item on track 3 of Selwadu boys tape). Arbi Patinasrane Selwadu July 13, 1985 A dohi kam tete ua dae Netalale. Betu dii kam tete ua dae Netalale. Gebaro tete toqi. Jemi bu da tete toqi. Jemi tete ganaa, da tete lahi ii sa mohede pee, da nemax: "Akha! Akha!" Pee kam oli. Tete sepo pee, kam oli. Oli ganaa, supan, kam iko sakikx di Tamlapa, pa kam oli sakix. Oli sakix ganaa, paa modan, kam saki sakix, pa kam tete ua. Tete ganaa eta sepo, kam dadax. Geba emsian dadax turen polo-polo. Pee tu kam dadax eta suba lau masin, dii Keri sir saki sakix, pa du dadax nenero. Kami saki mohe. Pee tu kam dadax nam uar eta suba lau masin, kam bakita boot saa. Boox alamat e! Da lea Mohamax Titawael nax kaoro. Pee tu supan sakix, pa kam iko fadae. Kami tete ua sakik e, kam tete, pa kam hela sakix ua. Kam hela ganaa, hela suba lawe, kami emlapa tirin, pee tu kam oli qei sax huma. Eta modan di, kam iko. Modan di, kami tuRobi, sira aki tu Jemi sira. Pee tu kam iko eta suba dae, Robi, eta riq tete ua dii; ua dii, riq ino baa ua waen. Riq ino baa. Kami tete dii, kam tete, pa kam hapu. Pee tu kam oli tu nam uaro, pee tu supan pee, motor suba. Motor suba, pee tu kam lea nam uaro, pa kam iko fapao Talo Bara. Kam iko fapao Talo Bara, pee tu suba pao Talo Bara dii, do motor baiko palgil-palgilix. Pee tu suba, kam toho pa Talo Bara, pee tu kam iko fasax Wahbura. Kam iko fasax Wahbura, pee tu kami naqo wae koix. Kam naqo wae dii, pee tu Keri nax ama phai fen moo tu bara stuha moo, bae bara stefo moo, tu wae koix. Bae bara stei moo. Pee tu kam suba sax huma, pee tu kami exmasa, pee tu kam kaa, pee tu kam ine. Sepo. Arbi Patinasrane Selwadu July 13,1986 Yax dohi kam heta Wae Waili. Betu dii, Waili nake emlokor waro pexbate.. Kami tu geba waro hetah. Kam hetah, pee tu kam lubu sea waro-waro. Ana fina nakex fixnaa, ana emhana nakex finaa. Pee tu kam taqax bandera. Taqax bandera ganaa, pee tu gebar heta. Geba mnegaro hetah e, pee tu kam ana mihano jaga tofa tu sea. Tofa tu sea eta da maqi sepo pee, gebar hama ior. Hama urano, emlokoro, rarino, wapito, mututo. Pee tu Miqgus nax ama dufa emloko haax ha saa. Alama pexbaten aqa! Pee tu da xgaeh tu gae-gae. Da xgaeh, tu da flalix sax maqin, paa da flal matak! Pee tu gebaro taga qei pa du wakuh. Du wakuh, pa du heka tuha fasaka xmaqin. Pee tu kam hama ior fixlawe naqan naa, gebar dufa mloko haa-haa ha-ro. Dufa eta du equ emtai tehu ikan mohe. Wapix dii, geba emsian dufa kokol rua, telo. Ada yaq du dapa parteiq emsian e. Pee tu kam oli pa kam kaa. Masax pa kam kaa etaaa sepo, pee tu kam olih. Kam oli suba q naa, gebaro xmasa sepo, pa du dapi ninir, pee tu kami masa toqi namix, pa kam dapih, pa kam wahakoro. Pee tu sepo. (Transcribed from track 2 of Selwadu boys tape by Joe Devin, 11/13/87). Arbi Patinasrane Selwadu July 13, 1987 Betu dii kam ix taga taoq pao Wakase, kam keha Raes nake jonsoq. Kam kehax suba pao Walaqa naqan dii omba haax pexbaten! Kam keha suba pao Wakase dii, gebaro jaga lawe masin haix paa du tati kam nam ioro. Kami geba waro. Pee tu kam toho sepo pee, du puna tao. Paa gebar puna taoq, pa anato midi toneil, pee tu midix sepu ganaa, pa la du oli pee, Raes pahux sakix sira to jonsoq. Pahux suba naa Selwadu pee, kam toho naa, pee kam foi. Kam foi masin. Kam foi ganaa, pa kam naqo, pa kam fage ni boti, pee tu kami sogo qeiro. Pee tu sepuh. (Transcribed from track 2 of Selwadu Boys tape by Joe Devin, 11/13/87).i~~~More gibberish from Jemi on track 2 of Selwadu boys. Ask about pesbeta or masbeta and the uses of the word.. Arbi Patinasrane Selwadu July 13, 1987 Yako dohi betu kam dohi pawe baa q lawe di. E lito-litoro mor-mori*****. Dohi pawe ganaa, beto-beto kam jaga tawa obor. Betu dii do kami skola, Bapa Guru Nyoq. Kami skola ganaa, beto-beto kam jaga ix tawa pawe. lea dii kam iko skola. Sup-supan naa lea saa, kam ix tobe Farai nake jonsoq, pee tu kam ix dohi toqi pawe. pee tu anato tela pawe xmatan, pee tu Mahaxbuba fag hamar tu pawe. Karu Kace naa gomu baa oto pager di snain. Pee tu kam oli fadae, Mahabuba teho anato di, pa du heka, pa du giha, pa Kace naa skele gesux kadan. Skele gesux nax kada xbohon di! Pee tu kam heka fadae, heka fadae, tu Mahaxbuba pexneho tu da pefnage, da pexneho, da pefnage, tu da fage emqesax olon tu pawe eprakan, paa--da fage tu pawe eprakan, paa da lesax bakuux***** tu xnaqit! Pee tu kam heka eta suba dae skola. Pee tu sepuh. (Transcribed from track 2 of Selwadu boys tape by Joe Devin 11/13/87).