Jefri Leslesi
        Selwadu
        July 12, 1987



A dohi Raja Mudah.  Ehe.

Raja Muda naa sgeda nax fetaro pito fene, "Toto
feten, toto hala, la beton telo di yax iko."

"Ehe."

Nax fetar toto feten tu
hala, paa du loa katupa, paa da keha nax arba gilax.

Nax feta hena taqi
et-et-et-et-et-et-eta--fen, "Raja Muuuda, ka ix tatax kami, do kam mata salak
e!"

Fen, "Moo.  A iko newex bu a iko, a iko matax bu a iko!"

"Eh!"

Da iko.
Iko etatetatetaaa da kalax--geba fene, "Liqa lau fene olo sane si fiaqa, raja
sane suba lau?"

Fene, "Qina, qina!  Tahix wa putu, tu Raja muda!  Raja dikax
saa moo, olo dikax saa moo, tu Raja Muda!"

"Eh!"

Taqi prura fidi masin reman
dii et-et-et-et-et-et-et-etaaa Raja Muda naa iko tu rame bukah, rame bregan,
eta da suba Bukhena Lea Sebo.  Ehe!

Bukhena Lea Sebo naa ix foih.  Rine sia
nax bajaulax, "Sintewa bajaulax sa mohe, berkahandax mohe-mohe, mo do le aqa
do sufen pol-rua ekfukak e, jandelar pol-rua ekfukak."

Eh!  Kfukax gamnaa, da
oso, fina sa mohe.  Da subah.  Bukhenaaa foih, pa d oli pao naa, si lalex
caken fildi caken.  Eh!  Eta da oso huma lalen, "Bukhenaa, wa pototo si la a
ino, tabakoro si la a opiro, fuar si la a kaar!"  Eh!

Fene, "Bara plaqa-pileix
yako mo, tu nake wa putut eq dii, e fuaq dii, e tabaku q dih!"

Fene, "Moo!
Famahi, la kita rua opi, tu lalex tenix ha fixdii?"

Fene, "Moo, yako naa do
yax fina defo emsika-msika, geba sa tewa suba fi na moo la *****
pilehex-pileix yako tu i rupa-rupa!"

Fen, "Moo!  Ga ka loa nam lalex tenix fi
six dii?  Ya hewa lokon polo haji eta suba na kae na, fen mo tu kae loa namu
lalex tenix ha fix dii!"

"Eh."

Dawan etatetatetatetatetaaa sirua ino, du kaa,
eta sepo, pee tu nax ama sir laleno tewa, paa nax ama sir olih.

Riqe an,
"Sintewa bajaulax sa mohe-mohe, berkahandax mohe-mohe, do le aqa, do geba nin
geba!"

"Kim lefax!"

"Eh."

Fene, "Ku rogo baa q naa peti naa, la a tutu sueh."


Nax ama sir tu nax ina sir tu nax nahato hama
etatetatetatetatetatetatetatetaa rine sia sakix nax bajaulax fene, "Bajaulax
mohe-mohe, berkahandax, mo do le aqa do kim laqax geba nin geba, mel du
xmata."

"Eh."

Peti di kfukax, paa nax bajaulato faleh.  Eh!  Etatetatetaa
fene, "Bukhenaa!  Kami iko, kami xneix lie fene ka bara garu laleto gamdii, ka
bara garu ior gamdii ta!"

Pee tu, "Eh!"  Fene, "Kimi xmata yako, do yako q
naa, kimi xmata pi kimi xmata yako mo, bu yako an ma q naa."  Eh!

Da sio nax
bajaulato gamaqnaa paa du almuax. Du almuax gamaq naa, paa da matah.  Eh!
Mata tupax.  Eh!

Nax kai miqgiwa di saa fene, "Walux kuax tu todo, tu ha da
mata haik!"

Du taqi e!  Du sgera paa du taqi etatetatetatetatetateta! Du taqi
eta e nax bajaulato almuax sakix gamnaa, pa d newe, paa rame buka, rame
bregan!  Paafene, "Iqax tu kam iko, bu ya naqu fua blawa, ya naq tabaku flawa
da baiko!  Ya naq dusun e!"  Eh!

Ii newe, supsupan gamnaa da iko tete fido,
eta neten hisin dii da tex telak! Eta fene, "Fena Lea Sebo, iqax tu  naqu
janji naa do sipax na ta.  Paa supax naa do ma iko."  Eh!

Supax, paa du iko,
paa rame etatetatetaa waslalen bagiku roix-roix, tu huma dii bafilan balata,
paa da balilain etatetatetateta da suba oto dii, geba fidi wae lekun polo,
gebar fidi rabi, du taga, paa rame etateta rame beton pito, dawar pito, eta
huma di keha saka-saka, da toho pao-pao, da keha saka-saka, da toho pao-pao,
eta rame di sepuh pee, da pte neex elen.

Pee tu sepuh.