Bismaqin naa do ha gam di etan la qei geba sa nake roko.  Umpama nax roko
da mpei na Ambon, riqe ma dae Buru, pii da mpei di Buru Utara Timur, nax
roko ma di Buru Selatan, pee tuu nax roko ptea-ptea, poo malapa sa bakaduk
pa da batekel pii, ibrama sa batoho logox-logox, pee tuu nax roko
ptea-ptea fen, "Hei!  Lae naqu roko sa mpei brema-breman, tu aqak e da
bapuna etan, paa bismaqi sa bakaduk eq naah."

Eta moo do da bage, paa da bakita ii sa badihleux pii, poo riqe fen, "Oox!
 Na ta lae bismaqi na ta."  Pee tuu bismaqi naa do etan la qei nax roko.

Paa kami fi dae mama nam roko saa da mpei breman pii, da dapax nax ii sa
brem-breman, do cuma jaga etan baa di bismaqi, tuu musi da kastau lewat
bismaqin rahek.