ETROGE.

Emlehex sa qaan etroge.  Emlehex na ta, do kodon gam di momol e, bu omon
gam di papai.  Fuan do da batoho gam pao tem da leke lepak e.  Fuan an
gosa.  Fi dae lale naa, do ku touk e da tau wae tu wae e!

Pee tuu kam jaga iko sax kakor-kakoro, do kita makasat e, do kami fene,
"Sanane e, inu nam wae proi e!"  Pee tuu kam priksa eta da bersii do kam
inoh.  Tu nake etregun an ada.  Ramax tu gehan-gehan e, eta datax nake
etregun dii, poo mae-maero molae rogo.  Bu eta tregux nake etregun belen
dii, do ku bafukah, tu ku aqax dae, dooo wae pono-pono-pono-pono!  Wae
bersii!  Poo kam inoh.

Bu kam jaga seax.  "Sanane e, inu nam wae proi e!"