Faf aba naa, do da newe bex-beta oto hawa.  Kita ma xnogi, pee tuu ma
sekax enaan, riq newe emqesa-mqesa tu ixnaan.  Do iqax la ma trihix, moo
do riq hoko ixnaano dii, pa d hok matako.  Bu eta da bahoko meg-megex, do
pekhaix la d bahoko.  Ramax tu lalen saa, mama ixnaan mohe-mohe, lapa
mlahix suba paa ixnaano mohe-mohe, bisa kita kali riqe, paa ma tenux di
wae eta beto xkemax, teme ma rihak fi di wae, dopapu pil-pilik, pee tuu ma
kaah.  Do sama rahex tu ma bakaa mandeqen pii, kombile pii, gehut pii.
Gam di ta rahex.  Da gosa.  Ma kaa isin.  Ma kalih fi pao.  Riqe gam di
mandeqen dih e.  Gam di dodi dih e.