Fi dae Buru do ana finaro hansi-hansiax musi du kaweq.  Sedaq ana fin falu
juga gebaro usaha la du kaweq tuhah.  Geba yaq nax finhaa rua-telo haik e,
bu mama nake keluarga dii nake geba sa mata, do riq usaha sepe da kaweq tu
ana fin falu dii.  Jadi eta ana fina dii da kaweq moo, la ana fina mhuka,
do sen tewa ana fina exbelen (artinya da tewa xmasa bu mooh, da te iko
hawa bu mooh, da te puna ii sa bu mohe-mohe), do bole, tu ana fina dii
baptea rahek e.  Bu fen ana fina di te puna ii, do biar da boho haan do,
bu musi da kaweq.  Gebar pebahix la du kaweq tuhah. Sedaq ana fin falu
juga, biar e geba di nax finhaa rua-telo, bu mama ana fina dii nax geba
haa max tatax, paa nax anat hede, do sira fen, "Kaweq tuhah, tu ana fina
dii ana fina xbanat, la musi da xbana."  Jadi fi dae do ana fina do
hansi-hansiax musi kaweq.  Ana fina sa da baptea gamdihex fi dae moo.