MAN OKO.

Man oko naa do du dohi fene bal-balax do nake ele fnoix tem du foih an tu
oko.  Foi-foi gam aq naa, poo nax ina niax fene, "Ku badefo la ku babage,
tu maman e da iko hede.  Da iko hawa tagahak.  Katage nax ina iko naa, da
bahewax toqi oko naa.  Nax ina iko dii, suba dae hawah, da olih, pee tuu
gebaro heka tuha nax ina.  Nax ina plawa-plawa-plawa-plawan, bu geba di
heka tuhah..  Pee tuu datak e oko di, paa da moho, pa kfakak.  Oli lawe
pee tu nax ina foih, bu yax foi tu oko ha doo?  Oko sa moo.  Pee tuu riqe
an da bataqi fene, "Naq oko, naq oko, naq oko!" eta skaraq naa.  Skaraq
naa do kam bacaan baa lien di.  Kam iko fukar-fukaro, kam bacaan baa lien.
 Do cuma lien fene, "Naq okoooo!  Naq okooo!"  Kam usaha la kam kitah, bu
kam kita salax manux di lagan mahede.  Tapi manux naa ada ma dae fux Buru.
 Yako eta a bahaa naa, eta a baskola sepo naa poo a iko, bu lien ya bacaan
trus-truus, bu a usaha la a kita tinan, bu a kita tinan mahede.