MIDUN.

Midun naa, do ramax tu ma lau kau.  Nax kaoro do kuhe, qapal, kakul,
kamlaqa, logreman, katimun--exdemen hede, bu yako kaba sepor moo.  Kita
lauh.  Ma laor gam aq naa, pee tuu kita reka kau di fene,
"Esto-sto-sto-sto-stoo!  Tifito fi di fuka naa belen e, tifito fi di fuka
naa reman e!  Taga la kim kaa kau q naa fi saka luken eta dena pao lahin
semun e!"

Eta musuno rua, poo kita iko sakix dii, poo kau di mata haix, paa
bamef-mefuh, paa ku tewa fene miduno bakaa fi sax luken eta dena pao
lahin.  Fokiito naa du taga, pee tuu du kaa kau naa.  Pee tuu
pertama-pertama da puna midu man tain.  Bisux fi di midu man tain dii, da
puna midun keun.  Bisux fi di midun keun, da puna midu man ta haa.  Bisux
fi di midu man ta haa, poo da rogo la minan.  Poo ramax tu eta sia molae
man ta haax, sia molae minan, poo patuh, tu di ta beka.  Baa di ta po
patuh beka, tuu parsis-parsiis nake enpatun di ta.  Do parsiis musun rua
geran, do parsiis patuh beka, tu baa di ta do miduno haa sepo, toqi kahano
puna manlelan haix.  Eta kita patu terlambat e, paa man ta haaro naa puna
manlelan, pa d mina, paa da puna midun lelan, da mina, do da gosa.  tu di
ta pa la qei anax merano kaah.  Du bakabah fen, "Egu manlelan," atau,
"midu manlelan, la qei anax meran kaah."  Anax meran te kaa beta man tain
moo, midun keun moo, man ta haa moo, tu riq kaa baa midun lelan, tu midun
lelan do minan di ta.  Eta bisux fi di midun lelan dii, poo panin molai
bamede-bamede dae lale, panin molae bamede-bamede dii, poo ramax tuu sepe
da mede sepo, poo da molae iso-iso.  Da molae iso-iso-iso-iso-iso-iso etaa
fulan rua, fulan telo, poo da molai eciko-ciko dae kau lalen.
Ciko-ciko-ciko dae kau lalen sepe da molae toti sepo, pa d giwe, poo da
usaha.  Da boor hama nax fefa fi dii, paa da suba paa da hekah.  Poo ha di
ta poo qaan fene "midu xdafan."  Midu xdafan dii, poo kita ma patu sakix
poo ma dapax ii sa mohe, tuu dafar, poo du suba sepo haik e.  Pee tuu da
gosa baa do man ta haax tu man lelan.  Kahan man ta haa, kahan man lelan,
aa, patuh, tu i ha di ta!  Tu parsiis nake enpatun.  La ma kaah.  Bae anax
meran.

Dii midun di.