Sima do riqe gam di fafaba dihe.  Kita kaah.

Bu kita tenux riqe moo, tu nake exmolin ada.  Sima nake enmolin, do kalih
e, bara hean mohe-mohe-mohe-mohe-mohe.  Mam kita hean, do da mpai.  Jadi
kami fi dae, do da paliq gosa di geba msian di kalih rahek e.  Geba msian
di kalih, riq bakali emtoro-mtoro-mtoro-mtoro-mtoro.  Bu mam geba rua
kalih, do ramax tu sirua pexnikan saro, pee tu ha dii do hean.  Pee tuu da
mpai.  Jadi kami do geba msian iko la d kali rahex, pee tu da ba ol tuha
mtoro-mtoro, pee tu papuh, bara hean mohe-mohe.  Kaah pee, kita bara hean
moo, kita bara stori fene kam kali simar na fi doo pii.  Esi mel du mpai.
Bara!  Moo do du mpai.  Kita bakaa mtoro-mtoro-mtoro-mtoro-mtoroh, do da
mteme gosa gam di ixnaan dihe.  Bu ku bakalih la ka bahean, heikanan, da
mpai!  Gam dii toqi bu kita kaa la kita psa-psaa fen, "Sapan fi naa?" da
mpai.  Pi kita fen, "Esi me da mpai salak e!" da mpai.

Dii sima di.  Nake enmolin do gam di ta rahek e.