TILBOIT.

Tilboit naa do ilmu hitam.  Du pakex fidii paa du tilboix geba dii do da
te iko moo.  Enpunan do du baegu siwi fokon sa, paa du bakaba-kaba nunu
ilmoro dih.  Du kaba-kaba, pee tuu du kaba geba di qaan e.  Kaba toqi geba
di qaan, pee tuu geba di baglidux lalen, paa da te iko tehux mohe, paa riq
baii ne-neex, ne-neex, eta du bahai taqo geba di, pee tuu du xmatah.

Du egu siwi di fidii, paa du baca-baca, pee tuu du kaba geba di qaan e, du
egu fidii, paa du ot fatux di geba di kadan wahan kolon.  Engarun han di
rua di ta.  Du kaba di qaan e, du ot fatux geba di wahan kolon, geba di
kadan lalen di wahan e, pee tuu geba dii da te iko tehux mohe.  Da rasa
kadan bu da beha, lalen dae bu glidux lalen e, paa da te iqax ii sa tehux
mohe eta du bahai taqoh, pee tuu du xmatah.