Ma sena tuba naa, do molai pertama-pertama dii, do du eflikek e ua mhana
saa.  Du flike haa e!  Eflike haax taksere efliken baraq bisa ma bapodo
tinan an hansiak e.  Pee tuu manjaqan okon ha di tuba alix dih, balalex
fidi fukan dih, pee tuu du patu gilin-gilin dih.  Du patu gilin-gilin naa
manjaqan naa okona gilin-gilin ha dih.  Patu gilin-gilin hansiax eta fefan
exdemen, teme du soox hai di fefan-fefan-fefan-fefan dii.  Soox sepu, teme
du narak.  Du narax baa na ua fliken nah.  Ua fliken di fidii, paa du
narak somon saa dii, du hapux baa na ua fliken nah.  Du narax somon saa
dii, la hapux baa na flikex naa.  Du narax somon saa, da hapu baa na
fliken, paa du narax paa du narax, du narax lepax, narax logox, narax
lepax, narax logox, narax selax, narax manux, et-et-et-et-etaa da mnigi.
Da mnigi dii, pee tuu du wahax.  Du wahax, pee tuu ku batewa fen lipoton e
da paqik e tamba e menjaqan okon naa, teme lebe hari lebe rin baroin pa d
baroin, pa d baroin, pa d baroin paa da batipis pa d tipis dih.
Et-et-et-et-etaa da bamaqih.  Pee tuu du eguh fidii, paa du hapuk e tuba
di maen, teme du lesah.  Du lesa tuba dii, du egu manjaqan okon di du ba
senah di fidii, paa du tregux di tuba di maen, teme du lesah.  Du lesah tu
nake enheken.  Ramax tuu du bisi nake kanlesano dii fidi kau, teme du
lesah tuba dii.  Du hekex tem du lesah.  Lesah, pee tuu da mnigi bu da
mnigi, bamnigi, bamnigi, sapee bateden.  Pee tuu du pahah.  Paha, poo
teden.  Teden di poo da puna tuba haix.